Respublika bolalari va o'smirlariga mo'ljallangan haftalik gazeta. 

"KLASS" gazetasi haqida ma'lumot. 

O'zbekiston Respublikasidagi bolalar va o'smirlar uchun mo'ljallangan rus tilidagi "Klass" deb nomlanuvchi gazeta 1927-yilning noyabr oyidan beri nashr etib kelinmoqda. U avval "Pioner Vostoka" deb nomlangan. 

Tili: rus tilida. 

Bosh muharrir: Alla Suxanovich 

Adadi: 7100 nusxa. 

Mazkur gazeta 8 sahifada, to'rt rangda, haftada bir marta bosilib, seshanba kunlari chiqadi. 

Gazeta respublikamizdagi bolalar hayoti to'g'risida ma'lumot beradi, tarbiyaviy va tashkiliy vazifalarni bajaradi, xususan, gazeta qoshida "Yumor maktabi" tashkil etilgan bo'lib, u yerda bolalar jurnalistikasining sir-asrorlarini o'rganishadi. 

Gazetaning mundarijasi xilma xil bo'lib, bolalarga tegishli bo'lgan barcha sohalarni qamrab olgan. Maktab hayotiga, ayniqsa, katta e'tibor beriladi. "Klass" gazetasining sahifalarida qiziqarli darslar, maktablardagi turli xil tadbirlar to'g'risida reportajlar, sevimli o'qituvchilar haqida, axloqiy-tarbiyaviy mavzuga bag'ishlangan maqolalar doimiy ravishda bosiladi. 

Maqsad va vazifalari: 

Gazetani bolalarning o'z kuchlari bilan tayyorlash, ya'ni gazetaning deyarli asosiy qismi yosh muxbirlarning materiallaridan tashkil topgan. "Klass"ning o'quvchilarini sovrinli va sovg'ali tanlovlar, boshqotirmalar, turli xil o'yin-topshiriqlar jalb qiladi. Har bir bola "Klass"ning faqat o'quvchisigina bo'lib qolmay, balki yosh muxbiri ham bo'lishi mumkin. "Shkola Yunkora" ("Yosh muxbir maktabi") O'zbekistonning ko'pgina viloyatlarida tashkil etilgan, chunki "Klass" respublika miqyosidagi gazetadir. 

Gazeta BMTning Bolalar jamg'armasi - YUNISEF, O'zbekiston Bolalar jamg'armasi, O'zbekiston Respublikasi Inson huquqlari bo'yicha milliy markazi ­ bolalar huquqlari bo'yicha tanlovlar, Procter & Gambel kompaniyasi bilan ulg'ayish masalalari bo'yicha, Ekosan bilan - ekologik tanlovlar va hokazolar bo'yicha hamkorlik qiladi. Bu tanlovlar jiddiy mavzularda o'tkaziladi. 

"Klass" gazetasi huzurida "Ptisegrad" - "Qushlar shahri" klubi tashkil etilgan bo'lib, unga yosh olim - ornitolog Maksim Mitropolskiy rahbarlik qiladi. Bolalar qushlarni jonli tabiatda kuzatishadi, tog'larga, Botanika bog'iga tashrif buyurishadi. Shuningdek, Ilmiy anjumanlarda ishtirok etishadi. Bularning barchasi "Qushlar shahri" klubining mavzu sahifalarida o'z aksini topadi. 

Gazetaning indeksi - 187. 

"Klass"ga istagan oydan obuna bo'lish mumkin. Obuna yil bo'yi davom etadi. Gazeta adadining 90%dan ortig'i obuna bo'yicha, qolgan miqdori esa chakana savdo orqali tarqatiladi.: 

Manzilimiz: Toshkent shahar 100129, Navoiy ko'chasi, 30-uy. 

Telefon: 244-36-81 

Faks: 244-37-24

E-mail: klass@klass.uz

Web: www.klass.uz